Ապրիլի 14-16-ը տեղի ունեցավ Զինաիդա Սիմոնյանի անվան հուշամրցաշարը, որը կազմակերպել էր ՀՀՖ նախագահ Ա. Հովհաննիսյանը: Հուշամրցաշարի բացմանը ներկա էին բարձրաստիճան հյուրեր: Մրցաշարն ավանդական է, կազմակերպվում է արդեն 6-րդ անգամ: Մրցաշարը պլանավորված էր դեռ Զ. Սիմոնյանի կենդանության օրոք, նա ինքը մասնակցում էր նախապատրաստական աշխատանքներին: Ամեն տարի մրցմանը մասնացում են հանրապետության լավագույն մարզիկները, յուրաքանչյուր մարզիկի համար մեծ պատիվ է Զինաիդա Սիմոնյանի անվան հուշամրցաշարին մասնակցելը և հրաձիգները ջանում են հնարավորինս լավ ելույթ ունենալ:
Հուշամրցաշարին մասնակցեցին նաև կրթահամալիրի սաները, 8-4- րդ դասարանի սովորող Ադամյան Դայանան իր մարզիչ՝ Գոհար Դանիելյանի հետ մրցեց նույն վարժության մեջ, նույն հարթակում, որը շատ ուրախացրեց հրաձգության ֆեդերացիայի նախագահ Ա. Հովհանիսյանին և ավագ մարզիչ Ս. Նիկողոսյանին: Ատրճանակ ձևից հուշամրցաշարին մասնակցում էր 20 մարզուհի, Դայանա Ադամյանը զբաղեցրեց 11-րդ տեղը: Մայիսին անցկացվելու է երիտասարդ հրաձիգ մրցաշարը, վստահ եմ ունենալու ենք ավելի լավ արդյունքներ: